روس نے ایران پر امریکی پابندیاں ختم کرانے کا عزم ظاہر کر دیا

روسی وزارت خارجہ کی ترجمان ماریا زاخارووا نے ایران پر امریکی پابندیوں کی مخالفت کا اظہار کرتے ہوئے کہا کہ ماسکو ان پابندیوں کو ختم کرانے کے لیے کوششیں جاری رکھے گا۔ ہفتہ وار پریس بریفنگ میں زاخارووا نے امریکی پابندیوں کو مسترد کرتے ہوئے کہا، "روس اقوام متحدہ کے چارٹر کی خلاف ورزی کرنے والے یکطرفہ، غیر قانونی اور جبری اقدامات کے اطلاق کو قطعی طور پر مسترد کرتا ہے۔" انہوں نے کہا کہ روس ایرانی حکام اور دیگر متعلقہ ممالک کے ساتھ مل کر اس نام نہاد غیر قانونی اقدام کا مقابلہ کرے گا۔ ترجمان نے مزید کہا کہ یکطرفہ پابندیوں کا غیر قانونی اطلاق طویل عرصے سے مغرب کے ناپسندیدہ ممالک کو سزا دینے کا ذریعہ بن چکا ہے۔